ماہانہ تنخواہ کتنی ہے

فیس بک کے بانی کا شمار دنیا کے امیر ترین افراد میں لیکن ان کی ماہانہ تنخواہ کتنی ہے؟ جان کر کسی کو بھی یقین نہ آئے

کیلی فورنیا (ویب ڈیسک) فیس بک کے بانی مارک زکر برگ کا شمار دنیا کے امیر ترین افراد کی فہرست میں پانچواں ہے، لیکن ان کی ماہانہ تنخواہ ایک ڈالر سے بھی بہت کم ہے۔مارک زکربرگ فیس بک کے چیف ایگزیکٹو آفیسر کی حیثیت سے سالانہ ایک ڈالر تنخواہ وصول کرتے ہیں جبکہ انہیں کوئی بونس، ایوارڈ، انسینٹو یا زر تلافی بھی ادا نہیں کیا جاتا لیکن ان کی حفاظت پر خرچ کی جانے والی رقم پاکستانی کرنسی میں اربوں روپے ہے۔ امریکہ کے سیکیوریٹز اینڈ ایکسچینج کمیشن میں فیس بک کی جانب سے جمع کرائے گئے بیان کے مطابق گزشتہ سال فیس بک بانی کی حفاظت پر23 ملین ڈالر( پاکستانی ساڑھے تین ارب روپے سے زائد) خرچ کیے گئے۔ بیان کے مطابق فیس بک کے سالانہ سیکیورٹی ریویو میں مارک زکر برگ کو لاحق خطرات کی نشان دہی کی گئی تھی۔ایکسپریس کے مطابق گزشتہ سال مارک زکر برگ اور ان کے اہل خانہ کو فراہم کی جانے والی سیکیورٹی، رہائش اور سفری اخراجات کی مد میں بہت زیادہ رقم خرچ کی گئی جس کاسب سے اہم سبب کووڈ-19 کی وجہ سے اختیار کیے جانے والے سفر کےپروٹوکول تھے۔گزشتہ سال صرف بانی فیس بک کی حفاظت کے لیے 10 ملین ڈالر اضافی خرچ کیے گئے، جس میں ان کے محافظوں اور سیکورٹی سے متعلق اخراجات شامل ہیں۔ 2020 میں مارک زکر برگ کی بنیادی سیکورٹی کے اخراجات 13 اعشاریہ4 ملین ڈالر تک پہنچ گئے تھے، جب کہ 2019 میں یہ رقم 10اعشاریہ40 ملین ڈالر تھی۔

 

Sharing is caring!

Leave a Reply

Your email address will not be published. Required fields are marked *