نہایت سستا آئی فون خریدنے والے کو کیا ملا

نہایت سستا آئی فون خریدنے والے کو کیا ملا؟

آن لائن شاپنگ بعض اوقات دھوکا ثابت ہوسکتی ہے لیکن اس میں غلطی کچھ خریدنے والوں کی بھی نکل سکتی ہے، ایسا ہی کچھ واقعہ تھائی لینڈ کے ایک نوجوان کے ساتھ پیش آیا۔ بین الاقوامی ویب سائٹ کے مطابق اس تھائی نوجوان نے ایک ویب سائٹ پر آئی فون نہایت سستے داموں بکتے دیکھا، اس کی قیمت آئی فون کی مارکیٹ میں قیمت سے نہایت کم تھی، نوجوان نے اسے دیکھتے ہی خرید لیا۔ چند دن بعد جب اس کا پارسل گھر پہنچا تو نوجوان کو احساس ہوا کچھ گڑبڑ ہے، پارسل تقریباً نوجوان کے قد جتنا تھا۔ پارسل کھولنے پر اندر سے تو آئی فون ہی نکلا، لیکن یہ اصل آئی فون نہیں تھا بلکہ آئی فون کے جیسی کافی ٹیبل تھی جسے دیکھ کر نوجوان حیران و پریشان رہ گیا۔ بعد ازاں اسے احساس ہوا کہ غلطی اس کی اپنی تھی، سستا آئی فون ملنے کی ایکسائٹمنٹ میں اس نے اس کی تفصیلات پڑھے بغیر ہی خرید لیا، ویب سائٹ پر واضح طور پر لکھا تھا کہ یہ آئی فون کی شکل کی کافی ٹیبل یعنی میز ہے۔ بعد ازاں جب اس نے سوشل میڈیا پر سارا ماجرا بیان کیا اور ’آئی فون‘ کی تصاویر اپ لوڈ کیں تو کئی افراد نے اس کے ساتھ اظہار ہمدردری کیا۔

 

Sharing is caring!

Comments are closed.