سعودی پاسپورٹ

سعودی پاسپورٹ، غیرملکیوں کو فائدہ اٹھانے کا موقع مل گیا،شہری یہ خبر ضرور پڑھ لیں پھر نہ کہنا خبر نہ ہوئی

ریاض(نیوز ڈیسک) سعودی محکمہ پاسپورٹ نے ایک مرتبہ پھر کہا ہے کہ مقامی اور غیرملکی افراد پیچیدہ مسائل کے حل کیلئے ویڈیو کالنگ سروس سے مستفید ہوسکتے ہیں۔غیرملکی خبررساں ادارے کی رپورٹ کے مطابق سعودی عرب میں محکمہ پاسپورٹ کے ڈائریکٹر جنرل سے مختلف امور پر رائے لینے اور مسائل حل کرنے کے لیے ویڈیو کالنگ کی خدمات فراہم کی گئی ہیں جس سے شہری متعلقہ ادارے جانے کے بجائے گھر بیٹھے اپنے معاملات طے کرسکتے ہیں۔محکمہ پاسپورٹ نے عوام سے پھر کہا ہے کہ وہ آن لائن اس سروس سے فائدہ اٹھائیں۔سعودی عرب میں ڈیجیٹل پلیٹ فارم کے معیار کو بہتر بنانے کے لیے یہ سروس فراہم کی گئی ہے۔ اس سے قبل لوگوں کو ڈائریکٹر جنرل سے ملاقات کے لیے سفر کرکے دفتر آنا پڑتا تھا تاہم اب یہ مشکل پیش نہیں آئے گی، وڈیو کالنگ سروس کا مقصد سعودیوں اور مقیم غیرملکیوں کو سفر کی زحمت سے بچانا بھی ہے۔

Sharing is caring!

Comments are closed.